Abşeronda avtomobillə traktor toqquşdu: 1 ölü

Abşeron rayonunda ölümlə nəticələnən yol-nəqliyyat hadisəsi baş verib. Avtosfer.az xəbər verir ki, hadisə rayonun Hökməli qəsəbəsində qeydə alınıb. 

Qəsəbə sakini Həsən Gülhüseynov idarə etdiyi “VAZ-2106” markalı avtomobili yolun kənarında dayanmış “Azəryolservis” MMC-yə məxsus yerhamarlayan traktora vurub. 

Nəticədə xəsarət almış H.Gülhüseynov xəstəxanaya aparılarkən yolda ölüb.

Faktla bağlı Abşeron Rayon Polis İdarəsi tərəfindən araşdırma aparılır.