Ard-arda qeyri iş günləri GƏLİR: Böyük tətillər nə vaxt başlayacaq?

Azərbaycanda bayramların çoxluğu ilə seçilən ayları araşdırdıq.

Avtosfer.az xəbər verir ki, bayram günlərinin çoxluğu ilə seçilən ayların sırasında ilk yeri mart ayı tutur. Beynəlxalq Qadınlar Günü, Novruz bayramı və Ramazan bayramının eyni aya təsadüf etməsi bu ayda istirahət günlərinin sayını artırır.

Martın 8-də Beynəlxalq Qadınlar Günü qeyd olunur. Novruz bayramı isə martın 20-dən 24-dək davam edir. Ramazan bayramının tarixləri də mart ayına düşür.

Məsələn, 2026-cı ildə martın 20-si və 21-i Ramazan bayramı, 20-24 mart tarixləri isə Novruz bayramı günləri kimi müəyyən edilib. Beləliklə, hər iki bayramın bəzi günləri üst-üstə düşüb. Bununla yanaşı, həftəsonları və bayram günlərinin təqvimdə yerləşməsi əlavə istirahət günlərinin yaranmasına səbəb ola bilər.

Bu baxımdan mart ayı ilin ən çox qeyri-iş günü olan aylarından biri hesab edilə bilər. Bununla belə, ay üzrə dəqiq istirahət günlərinin sayı hər ilin rəsmi istehsalat təqvimi və bayram tarixləri əsasında müəyyənləşdirilir./ajans.az