Bir gecədə üç piyadanı maşın vurub öldürdü - FOTO
Qəzalar
26 Noyabr 2015 10:22
Oxunub 1220
Hadisələr Bakıda, Salyanda və Bərdədə baş verib
Azərbaycanda bir gecədə 3 piyadanı maşın vurub öldürüb. Hadisələrdən biri Bakıda baş verib. Məhəmmədi qəsəbəsində eyni ailənin üç üzvü yolu keçmək istəyərkən Məhəmməd Xəlilovun idarə etdiyi «Niva» markalı avtomobil ailə başısı İlqam Abdıyevi vurub. Piyada aldığı xəsarətlərdən hadisə yerində ölüb.
Salyanda da piyadanın ölümü ilə nəticələnən yol-nəqliyyat hadisəsi baş verib. Ələt-Astara magistralının13-cü kilometrliyində, Salyan rayonunun Xıdırlı kəndi ərazisində yolu keçən Xıdırlı kənd sakini, 1984-cü il təvəllüdlü Hüseynov Seymur Əmir oğlu naməlum avtomobil tərəfindən vurulub. Sürücü hadisə yerindən qaçıb. Piyada hadisə yerində ölüb. Hazırda piyadanı vuran avtomobil sahibinin axtarışları davam etdirilir.
Daha bir ölümlə nəticələnən qəza Bərdədədə baş verib. Koroğlu küçəsində Namiq Qarayevin idarə etdiyi «Ford» markalı mikroavtobus qarşısına çıxan piyada, Qubadlı rayonundan məcburi köçkün, 1963-cü il təvəllüdlü Atlıxanlı Sevgili Bayram qızını vurub. Mikroavtobusun ön hissəsinə zərblə çırpılan qadın hadisə yerində keçinib.
Qeyd olunan faktlarla bağlı araşdırmalarını davam etdirir.
Elmin
ŞƏRH YAZ
DİGƏR XƏBƏRLƏR
