«Mersedes» ağaca çırpıldı, sürücü ağır yaralandı

Göyçay rayonunda avtomobil yoldan çıxaraq aşıb, ağır xəsarət alan var. Avtosfer.az-ın APA-ya istinadən xəbərinə görə hadisə axşam saat 19:30 radələrində Göyçay-Ucar avtomobil yolunun 9-cu kilomerliyində, Çərəkə kəndi ərazisində qeydə alınıb. Ucar sakini 1996-cı il təvəllüdlü Abuzarov Karaman Həsən oğlu “Mersedes” markalı minik avtomobili ilə hərəkətdə olarkən sürücü idarəetməni itirib, avtomobil yoldan çıxaraq ağaca çırpılıb. Hadisə zamanı sürücü ağır bədən xəsarətləri alaraq Ucar Mərkəzi rayon Xəstəxanasına yerləşdirilib.

Faktla bağlı Göyçay rayon Polis Şöbəsi tərəfindən araşdırma aparılır.