Minik avtomobili yük maşını ilə toqquşdü, ölən var

Ələt- Astara maqistral yolunun Lənkəran rayonu ərazisindən keçən hissəsində ağır yol-nəqliyyat hadisəsi baş verib. Qəza zamanı 1 nəfər ölüb, 2 nəfər xəsarət alıb.

Avtosfer.az xəbər verir ki, bu barədə Lənkəran Rayon Polis İdarəsindən verilən məlumata görə, hadisə ötən gün rayonun Siyavar kəndində qeydə alınıb. 1955-ci il təvəllüdlü Akif Əhmədovun idarə etdiyi "Mercedes" markalı avtomobillə, 1973-cü il təvəllüdlü Ruslan Nuriyevin idarə etdiyi "Ford" markalı yük maşını toqquşub.

Qəza zamanı avtomobillərdə olan üç nəfər müxtəlif dərəcəli bədən xəsarətləri ilə Lənkəran Mərkəzi Rayon Xəstəxanasına aparılarkən "Mercedes"in sürücüsü aldığı xəsarətlərin ağırlığından yolda dünyasını dəyişib.

Xəstəxanadan xəsarət alan hər iki şəxsin travmatologiya şöbəsinə yerləşdirildiyini, ancaq digər yaralının kimliyini müəyyən etməyin hələlik mümkün olmadığını bildirdilər. Onu da bildirdilər ki, yaraların vəziyyəti orta ağırdır.

Faktla bağlı Lənkəran Rayon Polis İdarəsində araşdırma aparılır.