Miqrantları daşıyan daha bir gəmi batdı
Tunis sahillərində qeyri-qanuni miqrantları daşıyan 3 qayığın batması nəticəsində 1 nəfər ölüb, 97 miqrant xilas edilib.
Avtosfer.az Publika.az-a istinadən xəbər verir.
Tunis Müdafiə Nazirliyindən verilən yazılı açıqlamada, Aralıq dənizində qeyri-qanuni miqrantları daşıyan 3 qayığın batdığı bildirilib.
Açıqlamada hadisədə 97 miqrantın xilas edildiyi, həyatını itirən 1 nəfərin cəsədinin tapıldığı bildirilib.
Qeyd edək ki, Tunis və Liviya kimi Afrikanın şimalındakı ölkələr Aralıq dənizindən qeyri-qanuni yollarla Avropaya getmək istəyən miqrantlar üçün çıxış nöqtəsi olaraq görülür.
Hər il minlərlə qeyri-qanuni miqrant daha yaxşı həyat ümidi ilə Afrikadan Aralıq dənizinə üz tutur. Qeyri-qanuni miqrantların bəziləri Avropaya çata bilsə də, digərləri dənizdə ölür.