Nepalın Rameçhap bölgəsində paytaxt Katmanduya gedən sərnişin avtobusu qəzaya uğrayıb.

Report xarici KİV-ə istinadən xəbər verir ki, bu barədə Rameçhap rayon polisi Raj Kumar bildirib.

Qəza nəticəsində 9 nəfər hadisə yerində, 4-ü isə Dhulikhel xəstəxanasında dünyasını dəyişib.

Qəzada yaralanan 19 nəfərin Dhulikhel xəstəxanasında müalicəsi davam edir.

Polis hadisədən sonra verdiyi açıqlamada qəzanın səbəbinin hələlik aydınlaşdırılmadığını deyib.