Azərbaycandan Rusiyaya meyvə aparan yük maşını aşdı - VİDEO

Rusiyanın Tambov vilayətində Azərbaycana məxsus yük maşını qəzaya düşüb.

Avtosfer.az-ın məlumatına görə, hadisə dekabrın 24-də gecə saatlarında qeydə alınıb. Belə ki, yüklə dolu olan 44-CX-727 dövlət nömrə nişanlı “Mercedes” markalı yük maşını yol kənarına aşıb. Şahidlərin iddiasına əsasən, qəzaya səbəb yüksək sürət həddi olub. Hadisə zamanı sürücü xəsarət almasa da, nəqliyyat vasitəsi və yük yerində olan meyvələr yararsız vəziyyətə düşüb.

Qeyd edək ki, faktla bağlı araşdırma aparılır. 

Nərmin