Sumqayıtda sərnişinlə dolu avtobusun təkəri yerindən çıxdı - FOTO

Sumqayıtda sərnişindaşıyan avtobusun təkəri yerindən çıxıb.
Avtosfer.az xəbər verir ki, yol-nəqliyyat hadisəsi ötən gün Babək küçəsində yerləşən “Xəlifə” şadlıq sarayının qarşısında qeydə alınıb. Sərnişinlərlə dolu 4 nömrəli avtobus hərəkətdə olarkən arxa təkəri qəfil çıxıb. Hadisə zamanı xəsarət alan olmayıb.
Qeyd edək ki, avtobuslar üçün təchizat vasitələrinin qiyməti son illərdə kəskin bahalaşdığından və bunun müqabilində daşıma xidmətinin gəlirləri artmadığından bu sahədə dərin böhran yaşanır. Hazırda əsas təchizatçı şirkətlər avtobus şirkətlərinə ehtiyat hissələri tədarük etmir. Bunun da əsas səbəbi şirkətlərin ödəmə qabiliyyətinin olmamasıdır.
İctimai nqliyyata dövlət dəstəyinin olmaması da vəziyyəti daha da ağırlaşdırıb.