Emin Ağalarov ona yüksək vəzifə verdi

“Sea Breeze”də yeni vəzifə təyinatı baş tutub.

Təbriz İlyasov “Sea Breeze” layihəsində Xərclərə Nəzarət Departamentinin rəhbəri vəzifəsinə təyin olunub.

O, bu vəzifəyə bu ilin noyabr ayında başlayıb. 

Bundan əvvəl, 2026-cı ilin avqust-noyabr aylarında “Sea Breeze”də aparıcı xərclərə nəzarət mühəndisi kimi çalışıb.

T.İlyasov 2026-cı ilin aprel-iyul aylarında “Amal Group” şirkətində xərclərə nəzarət üzrə mühəndis, 2025-ci ilin aprelindən 2026-cı ilin martınadək isə “Sea Breeze”də smeta və xərclərə nəzarət üzrə mühəndis vəzifəsində işləyib.

O, 2024-cü ilin martından 2025-ci ilin aprelinədək Ağdam, Füzuli və Xocavənd rayonlarında Bərpa, Tikinti və İdarəetmə Xidmətində baş məsləhətçi – ümumi tikinti mühəndisi olub.

Təbriz İlyasov, həmçinin 2023-cü ilin iyunundan 2024-cü ilin martınadək “Facility Management Group”da mülki mühəndis, 2021-ci ilin avqustundan 2023-cü ilin aprelinədək “Royal Development, Inc” şirkətində mülki mühəndis, 2020-ci ilin noyabrından 2021-ci ilin iyulunadək “Inmesco GmbH”də, 2019-cu ilin noyabrından 2020-ci ilin aprelinədək isə “AGAH Group LLC”də çalışıb. Sonuncu şirkətdə texniki ofis mühəndisi vəzifəsini tutub./Yurd.Media/