Benzinə daha çox spirt qatılacaq  

Rusiyada aylıq benzin qıtlığı 350 min ton, dizel yanacağı qıtlığı 100 min ton təşkil edir. Səbəb hər kəsə məlumdur: sanksiyalar.

Avtosfer.az xəbər verir ki, ölkədə benzin qıtlığını qismən aradan qaldırmaq üçün maraqlı təklif verilib: 95 oktanlı benzinin tərkibinə qatılan spirtin miqdarı artırılsın. Söhbət izobutil spirtindən ((CH3)2CHCH2OH) gedir.

Ekspertlər təklif edirlər ki, yanacağın tərkibindəki spirt miqdarı 1,5 faizdən 10 faizə qaldırılsın. Tərkibində spirtin çox olduğu benzin ekoloji cəhətdən daha az zərərlidir. Bu artım ayda 100 min ton əlavə benzin istehsalına imkan verəcək. 

Bir müddət əvvəl Rusiyanın Maliyyə Nazirliyi neftayırma zavodları üçün etil spirtinə aksiz vergisinin ləğvini təklif edib. 

Maraqlıdır ki, həm etil, həm də izobutil spirtinin yanacaq istehsalına yönləndirilməsi şimal qonşumuzda araq qıtlığı yaratmayacaq. Statistika Rusiyada araq istehlakının azaldığını göstərir. Lakin səbəb açırlanmır.

Vüqar