Bakı-Sumqayıt yolunun kənarındakı təpəciklər sökülür - VİDEO

Bakı-Sumqayıt yolunun Xırdalan şəhərindən keçən hissəsində yeni söküntü işlərinə başlanılıb.

Söküntü işləri Xırdalan dairəsini keçdikdən sonra yolun sağ tərəfində həyata keçirilir.

Əraziyə ağır texnikalar cəlb edilib. Yol kənarındakı təpəciklərin torpağı toplanaraq başqa yerə daşınır.

Xatırladaq ki, bir müddət əvvəl təpəciklərin üzərindəki ağaclar da başqa yerə köçürülmüşdü.

Qeyd edək ki, Azərbaycan Avtomobil Yolları Dövlət Agentliyinin (AAYDA) İdarə Heyətinin sədri Saleh Məmmədov bir neçə gün əvvəl verdiyi açıqlamada Bakı-Sumqayıt yolunun genişləndirilməsi işlərinin may ayının sonunadək başa çatdırılması nəzərdə tutulduğunu bildirmişdi.