"Bilmirik ki, fotolarımızı Artunyana göstərirlər, yoxsa Paşinyana göndərirlər?!" - Laçın-Şuşa yolundan XƏBƏR VAR - FOTO

“Aksiyamız davam edir. Laçın yolu bağlıdır. Heç bir hərəkətlilik yoxdur”.

Bu sözləri hazırda Laçın-Şuşa yolunda toplaşan aksiya üzvlərindən könüllü jurnaslit Elməddin Muradlı Ednews-a bildirib. Onun sözlərinə görə Gənclər Fondundan, "Könüllü gömrükçü"lərdən və müxətlif qurumların könüllüləri aksiyamıza qoşulublar. Həmçinin jurnalsitlər, media rəhbərləri də burdadır.

“Təxminən 500 nəfərdən artıq aksiya iştirakçısı var. Get-gedə sayımız artır. Hələlik rus sülhməramlıları ilə heç bir problem yaşamırıq. Gəlib müşahidə aparır, baxırlar, arada da kənardan bizi video və fotolarımız çəkirlər. İndi bilmirik ki, video-fotolarımızı Artunyana göstərirlər yoxsa Paşniya göndərirlər?! Özləri üçün çəkirlər. Bizim tələblərimiz tam yerinə yetirilənə qədər aksiya tam davam etdiriləcək”.

Qeyd edək ki, Rusiya sülhməramlılarının müvəqqəti nəzarətində olan ərazilərdə faydalı qazıntı yataqlarına, xüsusilə Qızılbulaq qızıl və Dəmirli mis-molibden yataqlarının qanunsuz istismarına etiraz olaraq eko-fəallar və QHT təmsilçiləri Şuşa-Laçın yolunda aksiyanı davam etdirir.