Ermənilər Avtosfer.az-ın baş redaktorunu "xüsusi təyinatlı" kimi təqdim etdi - FOTO

Şuşa-Xankəndi yolunda keçirilən dinc aksiyada iştirak edən Avtosfer.az saytının baş redaktoru Elməddin Muradlı barədə erməni Telegram kanalları yalan informasiya yayıb. Belə ki, baş redaktorun aksiyada yemək yeyən yerdə çəkib paylaşdığı şəklin altında erməni dilində Elməddin Muradlı və jurnalist Niyaz Niftiyevi xüsusi təyinatlı kimi təqdim ediblər. 

Baş redaktor məsələyə öz sosial şəbəkə hesabında iraoniya ilə yanaşıb. "Erməniləri də görürsüz də, dostum Niyazla mənim adıma söz çıxardıblar. Biabır olmuşuq. Çox xətrimə dəydilər. Dirəşiblər ki, bunlar ikisi də xüsusi təyinatlı əsgərlərdir, mülkü geyimdə gəliblər.
Olmaz olsun belə xüsusi təyinatlı. Qulağımın biri tutulub, ayaqlarımın ağrısından ölürəm, ösgürək bir yandan, dodaqlarımı da şaxta vurub, heş zad hiss eləmirəm..." deyə Elməddin Muradlı bildirib.

Fərid