“Finnair”in ekipaj üzvü təyyarədən yıxılaraq xəsarət alıb

Finlandiyada “Finnair”in ekipaj üzvü park edilmiş təyyarədən yıxılıb. Avtosfer.az xəbər verir ki, bu barədə nəqliyyat qəzalarının araşdırılması bürosu (Otkes) öz Twitter səhifəsində məlumat verib.

Məlumata qeyd edilir ki, “Otkes” yanvarın 13-də Vantaa aeroportunda, A320 tipli təyyarədən yıxılaraq xəsarət almış ekipaj üzvü ilə bağlı ilkin araşdırmalara başlayıb.

Bildirilir ki, hadisə Helsinkidə baş verib və “Finnair” şirkətinin bortu ora Ouludan gəlib.

İnsidentin digər təfərrüatları barədə məlumat verilmir.

Namiq Musayev