Qonaq gələn iki gənci güllələyib avtomobildə yandırdı - FOTO + VİDEO

Rusiyanın Altay əyalətində polis əməkdaşları iki tanışını öldürməkdə şübhəli bilinən şəxsi saxlayıblar. Avtosfer.az “RİA Novosti”yə istinadən xəbər verir ki, içərisində iki nəfərin meyiti olan yanmış avtomobil, bu il yanvarın 10-da rayon ərazisində aşkar edilib.

Məlumata görə, Barnaul sakinləri olan iki gənc şəxsi avtomobildə Bobrovikaya tanışlarının yanına gəliblər. Lakin naməlum səbəblərdən onların arasında mübahisə yaşanıb. Sonra şübhəli şəxs odlu silahdan atəş açaraq hər iki qonağı öldürüb. Cəsədləri avtomobilin arxa oturacağına qoyaraq Zaton qəsəbə ərazisinə gətirib və nəqliyyat vasitəsini yandıraraq hadisə yerindən qaçaraq gizlənib.

Bundan sonra əyalət polisi, müraciət əsasında əməliyyat-axtarış tədbirlərinə başlayıb və iki nəfərin ölümündə şübhəli bilinən 35 yaşlı Bobrovik rayon sakinini saxlayıb. Aparılan sorğu-sual zamanı o, törətdiyi cinayəti boynuna alıb.

Onun yaxın günlərdə hakim qarşısına çıxarılacağı gözlənilir.

Namiq Musayev