Şuşa-Xankəndi yolunda etiraz aksiyası DAVAM EDİR: iştirakçılar çadırlarda gecələyəcək - FOTO

Rusiya sülhməramlılarının müvəqqəti nəzarətində olan Şuşa-Xankəndi yolunda keçirilən etiraz aksiyasının iştirakçıları bu axşam ərazidə gecələməyə qərar veriblər.

Avtosfer.az-ın ərazidə olan əməkdaşı xəbər verir ki, aksiya iştirakçılarının gecələmələri üçün çadırlar quraşdırılıb.

Çadırlar və ərazi işıqlandırılıb. Çadırlar istiliklə təmin edilib. Ərazidə Azərbaycanın Dövlət Bayrağı ucaldılıb və işıq çəkilib. Ərazi aksiya iştirakçılarının nəzarəti altındadır. sülhməramlılar ərazidə keçik çəkir.

Aksiya iştirakçıları Rusiya sülhməramlı qüvvələrinin komandanı, general-mayor Andrey Volkov əraziyə gələnə qədər aksiyaya davam edəcəklərini bəyan ediblər.

.Qeyd edək ki, Şuşa ərazisində Rusiya sülhməramlılarının nəzarətində olan yolun bir hissəsində azərbaycanlı aktivistlər və ekologiya üzrə qeyri-hökumət təşkilatlarının (QHT) üzvləri Qarabağ iqtisadi rayonunda ekoloji terrora son qoyulması tələbi ilə etiraz aksiyası davam edir.

Xatırladaq ki, 2022-ci il dekabrın 3-də və 7-də Rusiya sülhməramlı kontingentinin komandanlığı ilə aparılmış müzakirələrin nəticəsi olaraq İqtisadiyyat Nazirliyi, Ekologiya və Təbii Sərvətlər Nazirliyi, İqtisadiyyat Nazirliyi yanında Əmlak Məsələləri Dövlət Xidməti və “AzerGold” Qapalı Səhmdar Cəmiyyətinin mütəxəssislərindən ibarət heyət Rusiya sülhməramlı kontingentinin müvəqqəti yerləşdiyi Azərbaycan ərazilərində faydalı qazıntı yataqlarının qanunsuz istismarı, bundan irəli gələn ekoloji və digər fəsadlarla bağlı ilkin monitorinq aparmalı idi. Lakin sülhməramlıların hərəkətsizliyi ucbatından monitorinq baş tutmayıb.