“Azərpoçt” ötən il 124 minə yaxın ödəniş kartı buraxıb

2024-cü ildə Rəqəmsal İnkişaf və Nəqliyyat Nazirliyi yanında “Azərpoçt” MMC 123 min 628 ədəd ödəniş kartı emissiya edib.

Avtosfer.az xəbər verir ki, bu barədə şirkətdən bildirilib.

Məlumata görə, bu, 2023-cü illə müqayisədə 0,9 % azdır. 

Hazırda quruma məxsus aktiv ödəniş kartlarının ümumi sayı 286 min 127 ədəddir.

“Azərpoçt” şəbəkəsində nağdlaşdırma üçün 176 ədəd POS-terminal, poçt şöbələrində xidmətin dəyərinin nağdsız qəbulu üçün 486 ədəd POS-terminal, “SmartPay” səyyar ödənişi qəbulu üçün 49 ədəd POS-terminal, ticarət obyektlərində quraşdırılmış 251 ədəd POS-terminal istifadəyə verilib.

Bundan başqa, “Azərpoçt”un Bakı və regionlar üzrə 74 ədəd bankomatı, 19 ədəd isə “SmartPay” terminalı quraşdırılıb.