Bakının üzərində uçan nə idi? - Deputat sorğu göndərdi

"Martın 16-da gecə saat təxminən bir radələrində Bakı üzərindən uçan naməlum aparat, yəni pilotsuz uçuş aparatı peydə olub. İnsanlar xeyli dərəcədə narahat olublar. Təəssüf ki, müvafiq dövlət qurumları tərəfindən heç bir açıqlama verilmədi".
Avtosfer.az xəbər verir ki, bunu Milli Məclisin bu gün keçirilən plenar iclasında deputat Qüdrət Həsənquliyev deyib.
Onun sözlərinə görə, vaxtında verilməyən rəsmi məlumat vətəndaşlar arasında narahatlıq yaradır:
"İnformasiya əldə etmək haqqında Azərbaycanın qanunları var. Dövlət qurumlarının belə hallarda ictimaiyyəti məlumatlandırmaq borcudur. Müvafiq dövlət qurumları öz vəzifələrini düzgün yerinə yetirməli və ictimaiyyəti məlumatlandırmalıdırlar. Xahiş edirəm ki, Milli Məclis mənim bu çıxışımı Müdafiə Nazirliyinə deputat sorğusu kimi qəbul etsin"./sfer.az