İcazə verilən saatda avtobus zolağına bütöv xətdən daxil olan sürücüləri cərimə gözləyir? - VİDEO

Paytaxt yollarında avtobuslar üçün ayrılmış zolaqların bəzilərinə günün müəyyən saatlarında digər nəqliyyat vasitələrinin daxil olmasına icazə verilir. Lakin bu zolaqlardan istifadə qaydaları ilə bağlı sürücülər arasında bəzi suallar yaranır.

Avtosfer.az xəbər verir ki, qaranlıq qalan məqam avtobus zolağına hansı formada daxil olmaqla bağlıdır.

Adətən sürücülər cərimələnməmək üçün avtobus zolağına yalnız qırıq-qırıq xətdən daxil olmağa üstünlük verirlər. Bəs bu saatlarda həmin zolağa bütöv xətdən keçən sürücülər cərimələnə bilər?

Qeyd edək ki, avtobus zolağının qüvvədə olma müddəti bitdikdən sonra həmin zolaq adi hərəkət zolağına çevrilir. Buna görə də icazə verilən saatlarda sürücülər həmin zolağa istər qırıq, istərsə də bütöv xətdən daxil ola bilərlər. Bu səbəbdən heç bir sürücü məsuliyyətə cəlb edilə bilməz.

Fərid