Bakıda nömrəsiz "Naz Lifan"la ölümə gedən taksi sürücüsü - VİDEO

Bakıda nömrəsiz  “Naz Lifan” markalı avtomobilin təhlükə saçan hərəkəti kameraya düşüb. Avtosfer.az xəbər verir ki, paytaxt küçələrinin birində qeydiyyat nişanı olmayan, taksi fəaliyyəti ilə məşğul olan “Naz Lifan”ın sürücüsü qoşa xəttin tələbini pozaraq yüksək sürətlə axına qarşı hərəkət edib.

Bakıda bir çox “Naz Lifan” sürücüləri qeydiyyat nişanlarını çıxararaq yolda kobud qayda pozuntuları törədirlər. Onlar kameralardan yayına bildikləri üçün istədikləri kimi hərəkət edirlər. Lakin düşünmürlər ki, bu hərəkətləri etməklə həm özlərini, həm də digər hərəkət iştirakçılarını təhlükə altında qoyurlar.

Xatırladaq ki, son günlər Dövlət Yol Polisi İdarəsi həmin sürücülərə qarşı ciddi nəzarətə başlayıb.

Təbriz