Bakıda beton mikseri hərəkəti iflic etdi: 4000 manat cərimə olunmalıdır - VİDEO
Qaydalar 23 Noyabr 2021 11:46 Oxunub 198
Bakıda beton mikseri hərəkəti iflic etdi:  4000 manat cərimə olunmalıdır  - VİDEO

Bakı Nəqliyyat Agentliyi (BNA) paytaxtda sıxlığa səbəb olan tikinti işləri ilə bağlı açıqlama yayıb.

Avtosfer.az xəbər verir ki, açıqlamada deyilir:

“Bakı küçələrini qeyri-pik saatlarda belə keçilməz edən səbəblərdən biri də aidiyyəti qurumlar ilə razılaşdırılmadan, heç bir qabaqlayıcı tədbir görülmədən aparılan tikinti işləridir.

Bir az əvvəl Nərimanov rayonu Əhməd bəy Ağaoğlu küçəsində aparılan tikinti işləri kimi. Yolun ortasında dayanan beton mikser avtomobili Ə.Ağaoğlu küçəsindən Təbriz küçəsi istiqamətində yolun hərəkət hissəsini tam zəbt edib.

Tikinti şirkətinin məsuliyyətsizliyi nəticəsində avtomobillər qoşa xəttin tələbini pozmağa məcbur qalır ki, bu da sonda hərəkətin kilitlənməsinə, yol nəqliyyat hadisələrinin baş vermə ehtimalının artmasına, sürücülərin lüzumsuz cərimələnməsinə səbəb olur”.

Hüquqşünas Ərşad Hüseynov məsələyə münasibət bildirərək qeyd edib ki, “Yol hərəkəti haqqında” Qanunun 11-ci maddəsinə əsasən, yolda belə işlər yalnız DYP-nin razılığı ilə edilə bilər. Əgər rəsmi razılıq yoxdursa, bunu edənlər barəsində İXM-in 354.0.4-cü maddəsində ciddi sanksiya nəzərdə tutulur: bu işi fərdi sahibkar edirsə, 400-500 manat cərimə, şirkət (hüquqi şəxs) edirsə, 3000-4000 manat cərimə. "Özü də məsuliyyətə cəlb etmə səlahiyyəti həm BNA-ya, həm də DYP-yə aiddir. 
Deyilənə görə dünənki faktı BNA ictimailəşdirib. Xəbərdə vurğulanır ki, işlər özbaşına görülür. BNA bu faktı aşkar edibsə, artıq inzibati məsuliyyətə cəlb etmə ilə bağlı rəsmiləşdirilmə də edilməli idi.
KİV-də çalışanlardan xahiş edirəm, bunu nəzarətdə saxlayın, görək həmin iş üzrə materiallar məhkəməyə gedib çıxacaqmı (şirkət barədə işə məhkəmə baxa bilər), real sanksiya olacaqmı? Bu tipli problem şəhərdə çoxdur, bir cəzalanan olmalıdır ki, bəlkə nəticə çıxaralar."

FOTO QALEREYA
ŞƏRH YAZ
Ad

E-mail

Şərh