Ambulans mikroavtobusla toqquşdu: 7 nəfər xəsarət alıb - FOTO

Türkiyənin Trabzon vilayətində ambulansın və mikroavtobusun iştirakı ilə yol-nəqliyyat hadisəsi baş verib. Avtosfer.az yerli KİV-ə istinadən xəbər verir ki, insident Araklı rayonu ərazisində qeydə alınıb.

Məlumata görə, çağırışa gedən ambulans, Yoncalı məhəlləsində xəstəni çağırdıqları ambulansa çatdırmaq istəyən mikroavtobusla toqquşub.

Nəticədə hər iki nəqliyyat vasitəsində olan 7 nəfər xəsarət alıb.

Yaralılar təcili tibbi yardım maşınları ilə rayonun müxtəlif xəstəxanalarına çatdırılıblar.

Polis faktla bağlı təhqiqatlara başlayıb.

Namiq Musayev