Ankarada dəhşətli qəza: Bir ölü, iki yaralı

Ankaranın Kahramankazan rayonunda iki yük avtomobilinin toqquşması nəticəsində 1 nəfər ölüb, 2 nəfər yaralanıb.

Avtosfer.az HaberGlobal-a istinadla xəbər verir ki, hadisə Anadolu magistralında baş verib. İlkin məlumata görə, eyni istiqamətdə hərəkətdə olan yük avtomobillərindən biri qarşıdakı nəqliyyat vasitəsinə arxadan çırpılıb.

Qəza yerinə təcili tibbi yardım, yanğınsöndürən və polis əməkdaşları cəlb olunub. Hadisə zamanı avtomobillərdən birində sərnişin olan 46 yaşlı şəxs həyatını itirib. Yaralanan hər iki sürücü xəstəxanaya yerləşdirilib.

Faktla bağlı araşdırma aparılır.