Bakıda gənc oğlanı avtomobil vuraraq hadisə yerindən yayınıb

Bakının Xəzər rayonunda yol-nəqliyyat hadisəsi zamanı 19 yaşlı oğlan ağır xəsarət alıb.

APA xəbər verir ki, hadisə Binə qəsəbəsində baş verib.

Yol kənarı ilə gedən 2000-ci il təvəllüdlü Əliyev Şahin Teymur oğlunu naməlum avtomobil vurub. Sürücü isə hadisə yerindən qaçıb. Yaralı ağır kəllə-beyin travması, hər iki ayaqlarının sınığı diaqnozu ilə xəstəxanaya yerləşdirilib.

3 saylı Şəhər Klinik Xəstəxanasından verilən məlumata görə, yaralının vəziyyəti ağırdır.