Bakıda iki azyaşlı yol qəzasında xəsarət alıb

Bakıda iki azyaşlının xəsarət alması ilə nəticələnən yol qəzası baş verib.

"Report"un məlumatına görə, hadisə paytaxtın Suraxanı rayonunda qeydə alınıb.

Belə ki, iki avtomobilin toqquşması nəticəsində 2014-cü il təvəllüdlü Məmmədzadə Əbdül Məmməd oğlu və 2 yaşlı Məmmədzadə Aişə Məmməd qızı xəsarət alıblar.

Yaralılar təcili tibbi yardım briqadasının köməkliyi ilə xəstəxanaya çatdırılıb. Hər iki azyaşlıya alın nahiyəsinin əzilmiş yarası diaqnozu qoyulub.