Bərdədə avtomobil evə çırpılıb: Maşını uşağın idarə etdiyi iddia olunur - VİDEO - YENİLƏNİB

Bərdə rayonunun Alaçadırlı kəndində yol-nəqliyyat hadisəsi baş verib.

Sürücünün idarəetməsindən çıxan "Changan" markalı minik avtomobili yol kənarındakı yaşayış evinə çırpılıb. Qəza nəticəsində evin divarı uçub.

Hadisə şahidi Hüseyn İsmayılzadə baş verənlərlə bağlı Baku TV-yə danışıb.

"Evdə uzanmışdım. Səsə çıxanda gördüm ki, qardaşımın uşaqları dağıntılar altında qalıb, üstlərinə daş tökülüb. Vəziyyətləri ağır idi, daşların arasından çıxa bilmirdilər. Dərhal köməklərinə çataraq onları oradan çıxardım", - deyə o bildirib.

Ev sahibi Vüsal İsmayılzadə isə bildirib ki, hadisə şahidləri avtomobili idarən edənin uşaq olduğunu deyiblər.

Qəza zamanı evdə olan bir ailənin üç üzvü müxtəlif dərəcəli bədən xəsarətləri alıb. Yaralılar təcili tibbi yardım avtomobili ilə Bərdə Rayon Mərkəzi Xəstəxanasına çatdırılıblar.

Faktla bağlı araşdırma aparılır.

***

Bərdə rayonunda üç nəfərin xəsarət alması ilə nəticələnən yol qəzası baş verib.

Avtosfer.az APA-ya istinadla xəbər verir ki, hadisə rayonun meşəçilik adlanan ərazisində qeydə alınıb.

Belə ki, "Changan" markalı minik avtomobili idarəetmədən çıxaraq yaşayış evinə çırpılıb. Nəticədə üç nəfər müxtəlif dərəcəli bədən xəsarətləri alıb.

Yaralılar təcili tibbi yardım vasitəsilə Bərdə Rayon Mərkəzi Xəstəxanasına çatdırılıb.

Faktla bağlı araşdırma aparılır.