Ələt-Astara yolunda avtomobil maneəyə çırpılıb

Ələt-Astara avtomobil yolunda yol qəzası baş verib.

"Report"un Muğan bürosunun məlumatına görə, hadisə avtomobil yolunun Cəlilabad rayonundan keçən hissəsində qeydə alınıb.

Belə ki, idarəetmədən çıxan "Mercedes" markalı minik avtomobili yol kənarındakı beton maneəyə çırpılıb. Qəza nəticəsində xəsarət alan olmasa da, avtomobilə ciddi ziyan dəyib.

Faktla bağlı araşdırma aparılır.