Göyərtəsində 7 nəfərin olduğu vertolyot radarlardan itib

Havay adalarında göyərtəsində 7 nəfərin olduğu vertolyot radarlardan itib. Avtosfer.az xəbər verir ki, hava gəmisi ilə rabitə əlaqəsi, dekabrın 26-da axşam saatlarında Napali sahilləri üzərində uçarkən kəsilib. Bu barədə CNN telekanalı məlumat yayıb.

Telekanalın məlumatına görə, bortda pilot və 6 sərnişin olub, onlardan ikisi yeniyetmədir.

Bildirilir ki, ABŞ sahil mühafizəsi əməliyyat-axtarış tədbirlərinə başlayıb. Axtarışlara vertolyot, gəmi və digər resurslar cəlb edilib.

Zabit Robert Koks telekanala söyləyib ki, ərazidə qeyri-sabit hava şəraiti, görünüşün zəif olması və güclü küləyin əsməsi axtarışlara mane olur: “Buna baxmayaraq axtarışlar davam etdirilir”.  

Namiq Musayev