Hacıqabulda yol qəzasında bir nəfər ölüb, bir nəfər xəsarət alıb - FOTO

Hacıqabulda yol qəzası baş verib.

Avtosfer.az APA-ya istinadla xəbər verir ki, hadisə Bakı-Qazax magistralının Hacıqabul rayonu, Qarasu kəndi ərazisindən keçən hissəsində qeydə alınıb.

Kəlbəcər rayon sakini, 1966-cı il təvəllüdlü Həsənov Əli Süleyman oğlunun idarə etdiyi "Nissan" markalı avtomobil idarəetməni itirərək beton arakəsməyə çırpılıb. Nəticədə sürücü xəsarət alıb.

Avtomobildə olan sərnişin Salyan rayon sakini, 1961-ci il təvəllüdlü Allahyarov Aydın Əmrah oğlu xəsarət alaraq Şirvan şəhər xəstəxanasına çatdırılsa da onu xilas etmək mümkün ollmayıb.

Faktla bağlı araşdırma aparılır.