İstanbulda avtobuslar toqquşdu: 5 nəfər yaralandı

İstanbulun Həbiblər yolunda şəhərlərarası sərnişin avtobusu İETT avtobusu ilə toqquşub.

Avtosfer.az HaberGlobal-a istinadla xəbər verir ki, sürücü idarəetməni itirdikdən sonra avtobus qarşıda hərəkətdə olan Kayaşehir-Mecidiyeköy marşrutu üzrə işləyən İETT avtobusuna çırpılıb.

Qəza nəticəsində 5 nəfər yaralanıb. Yaralılar xəstəxanaya yerləşdirilib və onların həyati təhlükəsinin olmadığı bildirilib.

Hadisə ilə bağlı araşdırma başlanılıb.