Kayseridə sərnişin avtobusu yanacaq daşıyan tankerlə toqquşdu: 38 yaralı

Türkiyənin Kayseri şəhərinin Melikgazi rayonunda sərnişin avtobusu ilə benzin daşıyan tankerin toqquşması nəticəsində 38 nəfər xəsarət alıb.

Avtosfer.az Anadolu Ajansına istinadla xəbər verir ki, hadisə Osman Kavuncu bulvarında baş verib. Ankaraya gedən sərnişin avtobusu Kayseridə benzin yüklü tankerlə toqquşub.

Qəza yerinə təcili tibbi yardım, polis və yanğınsöndürənlər cəlb olunub. Yaralılar müxtəlif xəstəxanalara yerləşdirilib. Onlardan ikisinin vəziyyətinin ağır olduğu bildirilir.

Toqquşma nəticəsində tanker aşıb və içərisindəki benzin yola dağılıb. Bələdiyyə əməkdaşları yola tökülən yanacağı təmizləyib.

Nigar