“Kia” “Hyundai”la toqquşdu: 4 ölü, 4 yaralı - FOTO

Rusiyanın Kemerov əyalətində iki minik avtomobilinin iştirakı ilə ağır yol-nəqliyyat hadisəsi baş verib. Avtosfer.az xəbər verir ki, insident P-255 “Sibir” federal avtomagistralının 354-cü kilometrliyində İjmorsk rayonu ərazisindən keçən hissəsində qeydə alınıb.

Məlumata görə, adı açıqlanmayan sürücü idarə etdiyi “Kia Sportage” markalı avtomobillə, naməlum səbəblərdən yolun əks zolağına çıxaraq qarşıdan gələn “Hyundai Elantra” markalı minik maşını ilə toqquşub.

Nəticədə “Hyundai”ın salonunda ikisi yeniyetmə olmaqla ümumilikdə 4 nəfər ölüb, “Kia”da olan 4 nəfər isə xəsarət alıb.

Yaralılar ambulanslarla xəstəxanalara çatdırılıblar.

Qəza yolun qarlı, sürüşkən və yağan qarın görmə səviyyəsinin aşağı olması səbəbindən ola biləcəyi ehtimal edilir.

Polis qəzanın baş vermə səbəblərini araşdırır.

Namiq Musayev