Maşın idarəetmədən çıxıb hasara dəydi - Xəsarət alan var - FOTO

Gəncədə yol-nəqliyyat hadisəsi baş verib.

Avtosfer.az qafqazinfo-ya istinadən xəbər verir ki, hadisə Mirzə Abbas Abbaszadə küçəsində qeydə alınıb.

Belə ki, Çin istehsalı olan ​“Lynk & Co” markalı avtomobil hərəkətdə olan zaman idarəetməni itirərək yoldan çıxıb və Gəncə Şəhər Milli Dram Teatrının keçmiş binasının hasarına dəyib.

Hadisə nəticəsində avtomobildə sərnişin qismində əyləşən,1996-cı il təvəllüdlü Arzu adlı xanım xəsarət alıb.

Xəsarət alan şəxs Gəncədə yerləşən xəstəxanaların birinə yerləşdirilib, müalicəsi davam etdirilir.

Faktla bağlı araşdırma aparılır.