Hamilə qadının bıçaqlanmasının detalları məlum oldu - YENİLƏNİB

Tovuzda 24 yaşlı qadın kafenin qarşısında bıçaqlanıb, hadisənin bəzi təfərrüatı məlum olub.

Avtosfer.az oxu.az-a istinadla xəbər verir ki, Tovuz rayon sakini, 2002-ci il təvəllüdlü Səbinə Rəşad qızı Məmmədli Qovlar şəhərində fəaliyyət göstərən kafelərdən birinin qarşısında mübahisə zəminində bıçaqlanıb.

Qadın Tovuz Rayon Mərkəzi Xəstəxanasına çatdırılıb və dərhal əməliyyata alınıb. Hamilə olduğu da bildirilən qadının vəziyyəti ağır qiymətləndirilir.

Hadisəni törətməkdə şübhəli bilinən şəxsin qadının qardaşı, 2007-ci il təvəllüdlü Ərşad Rəşad oğlu Məmmədli olduğu bildirilir.

İlkin məlumata görə, o, şəxsi münasibətlər zəminində bacısının bel nahiyəsinə bıçaqla bir zərbə endirib.

Şübhəli şəxs polis əməkdaşları tərəfindən saxlanılıb.

Qeyd edək ki, hər iki şəxs Tovuz rayonunun Düz Cırdaxan kəndində qeydiyyatdadır.

Faktla bağlı Tovuz Rayon Polis Şöbəsində araşdırma aparılır.

***

Tovuzda hamilə qadın qətlə yetirilib.

Avtosfer.az Qafqazinfo-a istinadən xəbər verir ki, hadisə rayondakı “ASAN Xidmət” Mərkəzinin qarşısında qeydə alınıb.

İlkin məlumata görə, bıçaqlanan qadın hamilə olub. O, xəstəxanaya aparılsa da, vəfat edib.

Faktla bağlı araşdırma aparılır.

Qətllə bağlı əlavə məlumat veriləcək.