"Mercedes" dəmiryol keçidinə çırpıldı - Kürdəmirdə qəza - FOTO

Kürdəmir rayonunda yol-nəqlıiyyat hadisəsi baş verib. Avtosfer.az-ın Oxu.az-a istinadən məlumatına görə, hadisə bu gün saat 17:10-da Bakı-Böyük kəsik dəmir yolu xəttinin Muğan-Qarasu sahəsində qeydə alınıb. Belə ki, 52-BL-162 dövlət nömrə nişanlı "Mercedes" markalı minik avtomobili idarəetməni itirib, dəmiryolu keçidinin işıqforuna və şlaqbauma çırpılıb. Hadisə nəticəsində dəmiryol infrastrukturuna zərər dəyib. Faktla bağlı aidiyyəti üzrə araşdırma aparılır.