Məşhur iş adamının tətil gəmisi batdı

Türkiyəli iş adamı Hakan Sabancının yay tətillərində istifadə etdiyi İngiltərə bayraqlı gəmi batıb.

Avtosfer.az bildirir ki, hadisə Bodrumda baş verib. Belə ki, Gündoğan Kızılburunda lövbər salan lüks gəmi naməlum səbəbdən su altında qalıb. Qayığın Sabancının dostuna məxsus olduğu və hadisə zamanı iş adamının qayıqda olmadığı öyrənilib.

Qeyd edək ki, adı bir çox məşhurla hallanan və yaşadığı eşqlə ad çıxaran Hakan Sabancı ötən həftə Bodrum Cennet körfəzində lövbərli qayığında sarışın gözəli ilə görüntülənmişdi. İş adamı ötən həftə sevgilisi ilə “Alien” adlı gəmidə istirahət etmişdi.

Sfera.az