Məşhur qalmaqallı futbolçu yol qəzasına düşüb - FOTO

İtaliyanın “Brescia” futbol klubunda çıxış edən futbolçu Mario Balotelli yol qəzasına düşüb. Avtosfer.az xəbər verir ki, hadisə qalmaqallı futbolçunun Berşii şəhərində yerləşən gecə klublarının birində qeyd edilən Yeni il bayramından qayıdan zaman baş verib. Bu barədə “Corriere della Sera” portalı məlumat yayıb.

Bildirilir ki, 29 yaşlı hücumçu səhər təxminən 5 radələrində şəxsi “Fiat 500 Abarth” markalı avtomobilinin sərnişin kreslosunda əyləşib və yaxını tərəfindən idarə olunan maşın manevr əsnasında idarəetmədən çıxaraq çörək bişirmə sexinin hasarına çırpılıb.

Digər məlumatlara görə, bu yaşayış evinin hasarı olub.

Qəza nəticəsində xəsarət alan olmayıb, ancaq avtomobilə ciddi ziyan dəyib.

Namiq Musayev