Motosikletlə “Mercedes” toqquşdu - Kuryer xəsarət aldı

Göygöldə motosikletlə avtomobil toqquşub.

Avtosfer.az “Qafqazinfo”ya istinadla xəbər verir ki, hadisə rayonun Qızılca kəndi ərazisində qeydə alınıb.

İlkin məlumata görə, 2003-cü il təvəllüdlü Nicat Məmmədov idarə etdiyi motosikletlə “Mercedes” markalı maşınla toqquşub.

Qəza zamanı kuryer xəsarət alıb.

O, xəstəxanaya yerləşdirilib, ilkin tibbi yardım göstərilib, müalicəsi davam edir.

Faktla bağlı araşdırma başlanılıb.