Oğuzda yük maşını ilə minik avtomobili toqquşub, iki nəfər xəsarət alıb

Oğuzda yük maşını ilə minik avtomobili toqquşub.

APA-nın şimal-qərb bürosunun məlumatına görə, hadisə bu gün günorta saatlarında rayonun Qumlaq kəndi ərazisində baş verib. “Ford” markalı xırdatutumlu yük maşını ilə “VAZ 2106” markalı minik avtomobili toqquşub.

Qəza zamanı iki nəfər xəsarət alıb. Yaralılar Oğuz Rayon Mərkəzi Xəstəxanasına çatdırılıb, daha sonra müayinə və müalicələrini davam etdirmək üçün Şəki Rayon Mərkəzi Xəstəxanasına aparılıblar.

Faktla bağlı araşdırma aparılır.