Prospektdə “Toyota Prado” piyadanı vurub yerüstü keçidə çırpıldı - VİDEO

Paytaxtın Ziya Bünyadov prospektində piyada vurulmasıyla nəticələnən qəza baş verib.
Avtosfer.az-ın məlumatına görə, hadisə fevralın 25-i günorta saatlarında qeydə alınıb. Hərəkətdə olan “Toyota Prado” markalı avtomobil yolu keçən piyadanı vurub. İddialara əsasən, sürücü son anda manevr etsə də, qəzadan yayına bilməyib. Nəticədə o, piyadanı vuraraq bir neçə metr kənara atıb. Daha sonra isə ərazidəki yerüstü piyada keçidinə çırpılıb. Hadisə zamanı piyada xəsarət alıb, avtomobilə maddi ziyan dəyib.
Qeyd edək ki, qəzanın görüntüləri sosial şəbəkədə müzakirələrə səbəb olub. Piyadanın keçidlə deyil, maşın yoluyla hərəkət etməsi qınanılıb. 
Əldə etdiyimiz məlumata görə, ərazidəki yerüstü keçid təmir olunduğu üçün hələlik istifadəyə yararsızdır. 

Nərmin