Qaxda sərnişin mikroavtobusu dərəyə aşdı - VİDEO

Qaxda TIR mikroavtobusa çırpılıb, sərnişin mikroavtobusu dərəyə aşıb.

Avtosfer.Az Oxu.Az xəbər verir ki, hadisə rayonun Ləkit kəndi ərazisində qeydə alınıb.

Hərəkətdə olan TIR tipli yük avtomobili "Mercedes" markalı mikroavtobusa arxadan çırpılıb. Zərbənin təsirindən içərisində sərnişinlərin də olduğu mikroavtobus yoldan çıxaraq dərəyə aşıb.

Qəza nəticəsində ciddi xəsarət alan olmayıb.

Qeyd edək ki, yük avtomobilinin yük yerində digər avtomobillər də olub.

Faktla bağlı araşdırma aparılır.