Qubada iki avtomobil toqquşub, xəsarət alan var

Qubada ağır yol-nəqliyyat hadisəsi baş verib.

 Fövqəladə Hallar Nazirliyinin  “112” qaynar telefon xəttinə daxil olan məlumata əsasən, Quba rayonunda “VAZ” və “Mercedes” markalı iki minik avtomobili toqquşub.

Hadisə yerinə cəlb olunan Dövlət Yanğından Mühafizə Xidmətinin müvafiq xilasetmə qüvvələri “VAZ” markalı avtomobildə sıxılı vəziyyətdə qalan 1 nəfəri deformasiyaya uğrayan nəqliyyat vasitəsindən çıxararaq aidiyyəti üzrə təhvil veriblər.