Qubada “VAZ” yük maşınına çırpılıb xurd-xəşil oldu, sürücü ölümdən döndü - VİDEO

Quba şəhəri, Vaqif küçəsində yol qəzası qeydə alınıb.

Avtosfer.az-ın məlumatına görə, hadisə martın 10-da gecə saatlarında baş verib. Belə ki, hərəkətdə olan 40-BU-231 dövlət nömrə nişanlı “VAZ-2106” markalı avtomobil, yol kənarında dayanmış 40-BV-318 dövlət nömrə nişanlı “Zil” markalı yük maşınıyla toqquşub. İddialara əsasən, qəzaya səbəb “VAZ” sürücüsünün anidən idarəetməni itirməsi olub. Nəticədə yoldan çıxan maşın yük maşınına çırpılaraq tamamilə yararsız hala düşüb. Xoşbəxtlikdən xəsarət alan olmayıb.

Qeyd edək ki, faktla bağlı araşdırma aparılır.

Nərmin