Reys avtobusu yol kənarına aşdı: 9 nəfər xəsarət alıb - FOTO

Estoniyada reys avtobusunun qəzaya uğraması nəticəsində 9 nəfər xəsarət alıb. Avtosfer.az xəbər verir ki, insident dekabrın 29-da gecə saatlarında Tallin – Narva şosesinin 30-cu kilometrliyində qeydə alınıb. Bu barədə “Sputnik Estoniya” portalı məlumat yayıb.

Məlumata görə, Sankt-Peterburqdan Tallin şəhəri istiqamətində hərəkətdə olan “Ecolines” şirkətinə məxsus reys avtobusu, texniki nasazlıq səbəbindən idarəetmədən çıxaraq yol kənarına aşıb.

Bildirilir ki, avtobusda 2-si sürücü olmaqla ümumilikdə 67 nəfər olub. Yaralanan 9 nəfər Latviya vətəndaşlarıdır. Onlar müxtəlif dərəcəli bədən xəsarətləri ilə xəstəxanaya çatdırılıb.

Hadisənin təfərrüatları araşdırılır.

Namiq Musayev