Saatlıda avtomobil traktorla toqquşub, yaralılar var

Saatlı rayonunda baş verən yol qəzasında iki nəfər xəsarət alıb. "Report" xəbər verir ki, hadisə Nərimankənd kəndində qeydə alınıb. "VAZ-21011" markalı avtomobil qarşıda gedən traktorun qoşqusuna çırpılıb. Qəza nəticəsində minik avtomobilində olan iki nəfər xəsarət alıb. Yaralılar Saatlı Rayon Mərkəzi Xəstəxanasına çatdırılıb.

Faktla bağlı araşdırma aparılır.