Salyanda 68 yaşlı qadını maşın vurub

Salyanda yol-nəqliyyat hadisəsi baş verib.

“Report”un Aran bürosu xəbər verir ki, hadisə axşam saatlarında köhnə Ələt-Astara magistralının Salyan şəhəri ərazisindən keçən hissəsində qeydə alınıb.

Minik avtomobili yolu keçmək istəyən Salyan şəhər sakini, 1951-ci il təvəllüdlü Təsəlliyeva Svetlana Alışan qızını vurub. Nəticədə qadın sağ bud çanaq oynağından xəsarət alıb. Yaralı Salyan Mərkəzi Rayon Xəstəxanasına çatdırılıb.

Faktla bağlı araşdırma aparılır.