Salyanda minik avtomobili "Kamaz"a çırpılıb, xəsarət alan var

Salyanda 1 nəfərin xəsarət alması ilə nəticələnən yol qəzası baş verib. Hadisə axşam saatlarında yeni Ələt-Astara magistralının rayon ərazisindən keçən hissəsində qeydə alınıb. Masallı rayon sakini, 1987-ci il təvəllüdlü Əzizov Vüsal Ədalət oğlu "VAZ-21015" markalı avtomobillə hərəkətdə olarkən idarə etdiyi nəqliyyat hadisəsi qarşıda gedən "KaMAZ" markalı yük avtomobilinin arxa hissəsinə çırpılıb. Nəticədə minik avtomobili aşaraq yolun kənarına düşüb. Hadisə zamanı "VAZ-21015"-in sürücüsü müxtəlif dərəcəli bədən xəsarətləri alıb. Yaralı Salyan Rayon Mərkəzi Xəstəxanasına yerləşdirilib.

Faktla bağlı araşdırma aparılır.