Sumqayıtda ağır yol qəzasında 4 nəfər xəsarət alıb - FOTO

Sumqayıt şəhərində ağır yol qəzası baş verib.

Avtosfer.az “Report”a istinadən məlumat verir ki, şəhərin Sahil küçəsində “Opel” və “Renault” markalı avtomobillər toqquşub.

Qəza nəticəsində 4 nəfər xəsarət alıb, yaralılar dərhal Sumqayıt şəhər Təcili Tibbi Yardım Xəstəxanasına çatdırılıblar.

Sumqayıt Tibb Mərkəzindən bildirilib ki, yol-nəqliyyat hadisəsi səbəbi ilə Sumqayıt Tibb Mərkəzinin Təcili Tibbi Yardım Xəstəxanasına 1987, 1988, 1997 -ci il təvəllüdlü 3 şəxs (kişi cinsli) və 1987-ci il təvəllüdlü 1 şəxs (qadın cinsli) hospitalizasiya olunublar.

Müxtəlif bədən xəsarətləri alan şəxslərə təcili yardım şöbəsində müvafiq tibbi yardımlar göstərilib.