Təyyarə avtodayanacağa düşdü: azı 5 ölü

ABŞ-ın Luiziana ştatında yüngül mühərrikli təyyarə qəzaya uğrayıb. Avtosfer.az xəbər verir ki, hadisə Lafayett şəhəri yaxınlığında qeydə alınıb. Bu barədə dekabrın 28-də “Fox News” telekanalı məlumat yayıb.

Telekanalın məlumatına görə, göyərtəsində 6 nəfərin olduğu təyyarə aeroportdan 1,5 kilometr aralıda yerləşən “Walmart” mağazalar şəbəkəsinin birinin avtodayanacağına düşüb.

Hazırda ölən və ya xəsarət alanlar barədə məlumat verilir.

Lakin, yerli “KPEL” radiostansiyanın bildirdiyinə görə, qəza nəticəsində azı 5 nəfər dünyasını dəyişib.

İnsident baş verən əraziyə xilasetmə və polis əməkdaşları cəlb edilib.

Araşdırmalar davam etdirilir.

Namiq Musayev